Kampionati Botëror përveç se është turneu më i madh në botën e futbollit është edhe mundësi që shumë futbollistë të “shpërthejnë”.
Shembuj nga e kaluara si James Rodriguez e vërtetojnë këtë më së miri.
Kush janë disa nga talentët që pritet të “shpërthejnë” në këtë botëror?
Jamal Musiala
Është vetëm 19 vjeçar, por tashmë luan si startues i rregullt me Bayern Munchen.
Musiala është njëri nga talentët që pritet të shpërthejnë në këtë botëror dhe e bart e epitetin e “shpresës” së kombëtares gjermane.
Ai luan si mesfushor me tipare sulmuese, teksa me Bayernin ka nëntë gola dhe gjashtë asistime në këtë sezon të Bundesligës.
Jude Bellingham
Edhe Bellingham është 19 vjeçar. Edhe Bellingham është 19 vjeçar dhe luan në Bundesliga.
Por, ai e djersitë fanellën e rivalëve të bavarezërve, Borussia Dortmund.
Bellingham pritet të ketë minutazh me kombëtaren angleze, anipse konkurenca është shumë e madhe.
Ai luan si mesfushor, pozitë ku “3 luanët” nuk kanë pasur shumë opsione viteve të fundit, por mbetet të shihet nëse Gareth Southagate do t’i jap mundësinë.
Pedri, Gavi dhe Balde
Të tre tashmë janë startues me Barcelonën.
Asnjëri nuk ka mbushur ende 20 vjet, por janë ftuar edhe nga kombëtarja spanjolle.
Pedri dhe Gavi priten të jenë startues në mesfushën e “La Rojas”, teksa Balde do të konkurojë për për minutazh në krahun e majtë me Jordi Alban.
Për Pedrin ky është kompeticioni i dytë i madh me Spanjën, sepse pararakisht u paraqit edhe në Kampionatin Evropian, ku ishte future në mesin e 11-të futbollistëve më të mirë.
Camavinga dhe Tchouameni
Mungesa e Ngolo Kantes dhe Paul Pogbas për shkak të lëndimeve ishin lajme të hidhura në kampin e kombëtares franceze.
Por, kjo mund të jetë një “fat në fatkeqësi”.
Tandem në mesfushën e kampionëve të botës tashmë priten të jenë Camaviga dhe Tchoumeni, të cilët po shkëlqejnë edhe me fanellën e Real Madrid.
Tchoumeni është 22 vjeçar, teksa Camavinga ka dy vite më pak.