Të hënën e 5 shtatorit, kryeministrja e Serbisë, Ana Bërnabiq, do ta vizitojë veriun e Kosovës.
Sipas mediave serbe, Bërnabiq do ta fillojë vizitën njëditore në Mitrovicë, e shoqëruar nga Shefi i Zyrës për Kosovën në qeverinë serbe, Petar Petkoviq dhe drejtori i Zyrës për IT dhe eQeverisje, Mihai Jovanoviq.
“Kjo është edhe vizita e saj e parë zyrtare në Kosovë si kryeministre e Serbisë”, raportojnë mediat serbe.
Po ashtu, theksohet se vizita e kryeministres serbe është paralajmëruar më 1 shtator, 72 orë para vizitës aktuale në përputhje me Marrëveshjen për Vizita Zyrtare.