Të martën e 29 nëntorit Qeveria e Kosovës në mbledhjen e 110 të saj ka aprovuar kërkesat e Ministrisë së Financave për ekzekutimin e pakos për përballje me inflacionin ku parashihet ndarja e shtesave nga 100 euro për punonjësit e ndërmarrjeve publike edhe studentët.
“Kërkesa e Ministrisë së Financave Punës dhe Transfereve për ndarje të mjeteve buxhetore prej 7 milionë euro për zbatimin e pikës 1.4 dhe 1.6 të Vendimit Nr. 31/99 të datës 30.09.2022, përkatësisht për pagesat e njëhershme për punëtorët e ndërmarrjeve publike dhe pagesat e njëhershme për studentët, dhe për zbatimin e Masës 2.1 – Subvencionimi i kredive investive të Pakos së Ringjalljes Ekonomike”, thuhet në komunkatën e Qeverisës së Kosovës .
“Kërkesa për aprovimin e ndarjes së mjeteve buxhetore për mbulimin e mungesës së mjeteve në kategorinë e shpenzimeve “Paga dhe Shtesa” për muajin nëntor 2022.Plotësimi dhe ndryshimi i Vendimit të Qeverisë Nr. 15/96 të datës 14 shtator 2022, për të reflektuar ndryshimet e nevojshme për realizimin e pagave të specializantëve” kanë shtuar ata.
Përveç këtyre kërkesave të Ministrisë së Financave ka pasur edhe një kërkesë shtese të cilën poashtu qeveria i ka pranuar.
“Kërkesa e Ministrisë së Financave, Punës dhe Transfereve për kursime dhe ndarje në shumën prej 6,094,051.63 euro”, kanë përfunduar Qeveria e Kosovës.