Grupi i tifozëve “Dardanët” i është bashkuar thirrjeve për mbështetje të Marshit “Drejtësi, jo politikë”, të organizuar nga platforma “Liria ka Emër”, i cili do të mbahet më 17 shkurt në Prishtinë, nga ora 14:00.
Në një njoftim, Dardanët kanë theksuar se lufta e Ushtrisë Çlirimtare të Kosovës ka qenë e drejtë, duke shprehur mbështetje për ish-krerët e UÇK-së që, sipas tyre, i sollën lirinë Kosovës.
“Lufta e UÇK-së ka qenë e drejtë. Andaj, në shenjë mbështetjeje për ish-krerët e ushtrisë që na solli lirinë, ju ftojmë të gjithëve pa dallim, nga secili qytet, që me 17 shkurt t’i bashkëngjitemi marshit për ‘Drejtësi, jo politikë’”, thuhet në thirrjen e tyre.