Sot burri i këngëtares së mirënjohur Shkurte Fejza është goditur nga një veturë, por gjendja e tij është stabile.
Policia e Kosovës, saktësisht zëdhënësi i policisë për rajonin e Prizrenit, Shaqir Bytyqi, ka bërë të ditur se me urdhër të prokurorit rasti procedohet me procedurë të rregullt.
“Sot me datë 23.02.2024, rreth orës 10:50, është raportuar për një aksident trafiku. Aksidenti ka ndodhur në rrugën ‘Adem Jashari’, deri te aksidenti ka ardhur kur këmbësori ka qenë duke e kaluar rrugën dhe është goditur nga një automjet. Viktima ka pësuar lëndime të rënda, por jashtë rrezikut për jetë. Policia ka intervistuar palët e përfshira dhe është njoftuar prokurori kujdestar, me urdhër të prokurorit rasti procedohet me procedurë të rregullt”, ka thënë Bytyqi.