Presidenti i Serbisë, Aleksandër Vuçiq, do të kërkojë që nga teksti i deklaratës së samitit “Ukrainë – Europa Juglindore”, i cili po mbahet në Tiranë, të hiqet pjesa e sanksioneve ndaj Rusisë dhe fjalët “ndikimi malinj i Federatës Ruse në vendet e rajonit”.
Siç raporton “B92”, thuhet se president serb do të kërkojë që në tekst të mos shkruhet “vendet”, por “gjashtëshja e Ballkanit Perëndimor”.
“Ne kemi disa propozime për një deklaratë, ta shohim… E vetmja gjë që mund të them është se do t’i përmbahem parimeve të miratuara nga Këshilli i Sigurisë Kombëtare i Republikës së Serbisë dy vjet më parë”, tha Vuçiq.
Vuçiq, pas arritjes së tij, ku u prit nga kryeministri i Shqipërisë, Edi Rama dhe presidenti i Ukrainës, Volodymyr Zelensky, para mediave ka thënë se ka disa propozime për deklaratën.