Pritën 20 vite, por në fund festuan.
Kombëtarja e Francës ishte shpallur kampione e botës në vitin 2018 pas dy dekadave përpjekje.
Skuadra e udhëhequr nga Didier Dechamps shkëqleu në çdo repart.
Madje edhe në stol kishte opsione të mira.
Por, ku janë disa nga futbollistët që e fituan Kupën e Botës dhe nuk do të luajnë në Katar.
Pogba dhe Kante
Të dy së bashku ishin tandemi startues në mesfushë.
Nga ta ndërprehej dhe nisej çdo aksion, por asnjëri nuk do jetë në Katar.
Dyshja do të mungojë për shkak të lëndimeve, teksa vendin e tyre pritet ta zënë Camavinga dhe Tchoumeni.
Samuel Umtiti
Umtiti ishte ndër kryesorët në kampionatin e kaluar, por për shkak të lëndimeve karriera e tij pësoi një rënie drastike.
Ai është pjesë e Lecces – si formë huazimi nga Barcelona.
Blaise Matuidi
Matudi ishte një “motor” i francezëve në rrugëtimin drejtë trofeut të madh, po tashmë është larg nga nivelet më të larta të futbollit.
Ai është pjesë e Miamit, skuadër e cila garon në elitën e futbollit amerikan.
Lemar, Zonzi dhe Fekir
Në këtë botëror nuk do të luajnë as Zonzi, Fekir dhe Lemar që në Rusi inkuadroheshin nga banka rezervë dhe i sillnin freski skuadrës.
Fekir është pjesë e Real Betis, Lemar në Atletico Madrid, teksa Zonzi po e dersitë fanellën e Al-Rayyan SC.