Zogaj: Në mars të vitit 2023 do të nisin punimet në Kullat e Jasharëve

Sipas drejtorit të Agjencisë së Trashëgimisë dhe Monumenteve Historike, Bislim Zogaj, Kullat e Jasharëve pritet të rinovohen në fillim të muajit mars, të vitit 2023. Ndërsa, komisioni i ekspertëve u ka kërkuar që të mendojnë për ndonjë sugjerim shtesë ndaj planit, dhe pastaj pas dy javëve të organizojnë sërish një mbledhje tjetër

Ilustrim, "Në mars të vitit 2023 do të nisin punimet në Kullat e Jasharëve"

Drejtori i Agjencisë për Menaxhimin e Komplekseve Memoriale, Bislim Zogaj, ka deklaruar se Kullat e Jasharëve pritet të rinovohen në fillim të muajit mars, të vitit 2023.

“Detyra Projektuese është e pranuar në parim, ne jemi pajtuar me projektin e tyre nga komisioni i ekspertëve, i cili na premtoj që deri në fillim të marsit, të vitit 2023, do të fillojnë të gjitha procedurat, për rinovimin e Kompleksit Memorial “Adem Jashari”, në Prekaz”, ka deklaruar Zogaj për Portalin Dukagjini.

Po ashtu, ai ka thënë se komisioni i ekspertëve ua ka kërkuar që të mendojnë për ndonjë sugjerim shtesë ndaj këtij plani, dhe pastaj pas dy javëve të organizojnë sërish një mbledhje tjetër, që të shfaqin mendimet e tyre si plotësim ndaj i Detyrës Projektuese.

“Ata kërkuan edhe ndonjë propozim apo sugjerim plotësues, dhe jemi dakorduar që pas dy javëve të ua dërgojmë komentet tona, dhe pas dy javëve të organizojmë një mbledhje tjetër me Komitetin Ndër-ministror”, ka deklaruar Zogaj.

Bislim Zogaj

Pastaj nga ky takim ata do të aprovojnë, Detyrën Projektuese, por që sipas tij ky projekt do të ketë edhe disa afate të tjera, pasi është një projekt i mjaftë i madh.

“Që të aprovojmë këtë detyrë projektuese, pasi kjo do të ketë disa afate të tjera, ky është një projekt i madh dhe do të shkojë me faza”, është shprehur Zogaj, për Portalin Dukagjini.

Ndërsa, në bazë të projekteve të propozuara nga mbledhja, ai ka thënë se do të përfshihen tri zona.

“Dhe në bazë të këtyre projekteve qysh e kanë ilustruar ata, do të jetë në tri zona, zona e parë Kompleksi apo Kullat e Jasharëve, Varrezat pastaj edhe pjesa e Fabrika e Municionit në Skenderaj”, ka deklaruar Zogaj.

Sipas tij, komisioni i ekspertëve me anëtarët e Komitetit ndër-ministror për Kompleksin Memorial “Adem Jashari” në Prekaz, ka zhvilluar punët në terren ku është furnizuar me të gjitha materialet që kanë ekzistuar deri tash, si dhe me ato nga Agjencia e Kompleksit Memorial “Adem Jashari”.

“Grupi i ekspertëve pas një pune rreth gjashtë mujore, kanë ardhur në përfundim dhe kanë paraparë se çka do të bëhet në gjithë atë pjesën e Kompleksit Memorial “Adem Jashari”, ka deklaruar Zogaj.

Po ashtu, Zogaj ka thënë se për rinovimin e Kullave të Jsharëve, parashihet të jenë diku rreth 450 hektarë tokë.

“Parashihet të jenë diku rreth 450 hektarë, dhe që domethënë në bazë të ligjit, që e parasheh përveç konservimit të shtëpive që do të ketë edhe një muze”, ak thënë Zogaj.

Ndërsa, Bekim Jashari, i biri i heroit kombëtar Hamëz Jashari, është shprehur pesimist për këtë proces, ku ka thënë se ka gjasa që të mos fillojë as në vitin 2023.

Sipas Bekim Jasharit, hera e fundit kur është intervenuar në Kompleksin e Jasharëve, nuk kishte qenë nga institucionet e Kosovës, por këtë e kishte bërë një donator nga Turqia, i cili në mënyrë vullnetare kishte investuar për ta rregulluar kompleksin e familjes Jashari.

Bekim Jashari

”Mos të merri me fjalë, por me vepra, sepse ky proces është duke mospërfunduar. Ky proces po rikthehet në piken zero nga ndërrimi i qeverive”, ka thënë Bekim Jashari për Portalin Dukagjini.

Nën kryesimin e Kryeministrit të Kosovës, Albin Kurti, të shtunën u mbajt mbledhja e pestë e Komitetit Ndër-ministror për Kompleksin Memorial “Adem Jashari” në Prekaz.

Në këtë mbledhje është njoftuar se nga hulumtimet e bëra janë drejt hapit të parë të fazës së ardhshme, e që është shpallja e konkursit për hartimin e Master Planit për këtë Kompleks.

Qeveria pritet të shpallë konkurs për Master Planin për Kompleksin Memorial “Adem Jashari”

As këtë vit e as më 2023 nuk ka shpresë për renovimin e Kullave të Jasharëve

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

RTS zviceran: Personi që paralajmëroi vrasjen e Dick Martyt, është...

Është zbuluar se kush ishte infromatori që tregoi se ka një planë për të vrarë Dick Marty-in. Sipas Programiit të RTS Mise au point  ai...

24 vjet dhe 10 muaj burgim për të akuzuarin i...

Gjykata Themelore në Prizren, të hënën e ka dënuar të akuzuarin Sylejman Ahmeti me 24 vjet e 10 muaj burgim për vrasje. Aktakuza e ngritur...

Komandanti i parë i KFOR-it: Në Veri ekziston një grup...

Komandanti i parë i KFOR-it, Erhard Buhler, në një intervistë për Albanian Post, ka thënë se në veri të vendit ekziston një grup multietnik...

Të fundit nga rubrika