11 foshnja kanë vdekur si pasojë e zjarrit në qytetin Tivauan në Senegal.
Kështu ka bërë të ditur presidenti i shtetit, Macky Sall, përmes një postimi në Twitter, ku ka treguar se zjarri ka shpërthyer në departamentin e maternitetit.
Presidenti Sall u ka shprehur ngushëllime nënave dhe familjarëve të foshnjave.
“Për nënat dhe familjet e tyre, u shprehi ngushëllimet e mia të thella”, ka shkruar presidenti Sall.
Je viens d'apprendre avec douleur et consternation le décès de 11 nouveaux nés, dans l'incendie survenu au service de néonatalogie de l'hôpital Mame Abdou Aziz Sy Dabakh de Tivaouane.
A leurs mamans et et à leurs familles, j'exprime ma profonde compassion.— Macky Sall (@Macky_Sall) May 25, 2022
Siç shkruan BBC, sipas politikanëve të Senegalit, zjarri është shkaktuar nga një lidhje e shkurtër.
Tri foshnja kanë arritur të shpëtohen nga zjarri.
Zjarri është përhapur shumë shpejt dhe shërbimet e emergjencës janë ende në vendin e ngjarjes.
Lidhur me rastin ka reaguar edhe ministri i Shëndetësisë, Abdoulaye Diouf Sarr.
“Situata është shumë fatkeqe dhe jashtëzakonisht e dhimbshme”, ka thënë ministri i Shëndetësisë.
Një incident i ngjashëm ka ndodhur vitin e kaluar në Senegal, pasi katër foshnja kanë vdekur si pasojë e zjarrit në një spital materniteti, që sipas autoriteteve shkas i zjarrit ishte rryma dhe ftohës ajri.