Agjencia e Menaxhimit Emergjent (AME), ka njoftuar se aktualisht në Kosovë po vazhdojnë të jenë aktive 24 vatra zjarri.
Nga ora 08:00 deri në 14:00 të së hënës, janë raportuar gjithsej 38 vatra, prej të cilave 14 janë lokalizuar.
Situata më e rënduar është në fshatin Kçiq të Mitrovicës, ku flakët kanë përfshirë edhe disa shtëpi.
“Sipas të dhënave të pranuara në Qendrën Operative të Agjencisë, janë regjistruar gjithsej 38 vatra zjarri në vend. Prej tyre, 24 vazhdojnë të jenë aktive, ndërsa 14 janë lokalizuar. Menaxhimi i situatës po zhvillohet në koordinim të plotë me Njësitë Profesionale të Zjarrfikjes dhe Shpëtimit. Agjencia shpreh mirënjohje për përkushtimin e palodhshëm të zjarrfikësve dhe angazhimin e tyre në terren”, thuhet në njoftimin e AME-së.