54.5% e mësimdhënësve/eve nuk kanë arritur ta zhvillojnë në mënyrë të rregullt procesin mësimor, madje duke mos arritur të përmbushin plotësisht planprogramin e tyre, si pasojë e mungesës së teksteve shkollore.
Këto janë rezultatet e analizës statistikore të organizatës joqeveritare ETEA në lidhje se a kanë arritur të zhvillojnë planprogramin edhe si pasojë e mungesës së teksteve shkollore.
Gjithsej, 40.5% të mësimdhënësve/eve kanë thënë se kanë ndjekur planprogramin
e tyre, por që të njëjtit kanë deklaruar se fëmijët kanë hasur në vështirësi për të qëndruar në hap me mësimet si pasojë e mungesës së teksteve shkollore.
Mbi 11% e tyre deklarojnë se mungesa e teksteve shkollore ua ka pamundësuar që të ndjekin plan-programin, përderisa 2.8% nuk e kanë ndjekur fare planprogramin mësimor si pasojë e mungesës së teksteve shkollore në klasët përkatëse.
Ndërsa, 45.5% e mësimdhënësve/eve kanë thënë se kanë zbatuar planprogramin hap pas hapi, pa ndonjë mangësi.
“54.5% e mësimdhënësve/eve në Kosovë nuk kanë mbarëvajtje të rregullt të procesit mësimor, duke mos arritur të përmbushin plan-programin e tyre, për arsye të ndryshme të cilat ndërlidhen me mungesën e teksteve shkollore – ose ndjekin plan-programin por fëmijët hasin në vështirësi”, thuhet në raportin e ETEA-s.
Moszbatimi i planprogramit si pasojë e mungesës së teksteve shkollore ka atakuar më shumë klasët e para dhe klasët e pesta.
Te klasët e para, 38.3% e mësimdhënësve/eve deklarojnë se e kanë ndjekur planprogramin por fëmijët kanë hasur në vështirësi, përderisa 13.7% deklarojnë se nuk e kanë ndjekur fare planprogramin, për arsyet që ndërlidhen me mungesën e teksteve shkollore.
Ndërsa, te klasët e pesta, vetëm 32.5% kanë arritur të zbatojnë planprogramin, kurse pjesa tjetër prej 67.5% nuk e ka ndjekur fare planprogramin ose ka hasur në vështirësi gjatë zbatimit të tij.
“Kjo vjen edhe si rrjedhojë e faktit që klasët e pesta qëndrojnë më së dobëti në
raport me sigurimin e teksteve shkollore, siç dëshmohet në figurën 2 ku vetëm 16.7% e
nxënësve/eve janë pajisur me të gjitha tekstet shkollore”, thuhet në raportin e organizatës joqeveritare ETEA.
zbatimin e plan-programit tuaj si mësimdhënës/e?
x Klasa
Pamundësia e mësimdhënësve/eve për të ndjekur me sukses planprogramin e tyre
dhe ngecja e fëmijëve në procesin mësimor, ka shtyrë mësimdhënësit/et që në afër 70%
të deklarojnë se për vitin tjetër shkollor (2023/24) të preferojnë që MAShTI të rikthehet
te sistemi i vjetër, duke përmbyllur procesin e furnizimit të teksteve shkollore përmes
tenderimit me shtëpitë botuese.
Ndërsa, “30.4% e mësimdhënësve/eve mbështesin modelin e ri, duke rekomanduar se MAShTI duhet të vazhdojë ta bëjë bartjen e mjeteve financiare tek prindërit dhe kujdestarët/et e pastaj këta të fundit në mënyrë individuale të sigurojnë tekstet shkollore”, thuhet tutje në raport.
Në përgjithësi, mësimdhënësit/et deklarojnë se vendimi i MAShTI ka pasur dhe vazhdon
të ketë ndikim të dukshëm në mbarëvajtjen e procesit mësimor, kjo si pasojë e vonesës
së furnizimit të nxënësve/eve me tekste shkollore.
Të dhënat tregojnë se, edhe pse ka kaluar një muaj pas fillimit të procesit mësimor,
nxënësit/et dhe mësimdhënësit/et e Kosovës ende nuk janë 100% në ritmin e duhur të
punës nëpër shkollat e tyre.