Shefja e Grupit Parlamentar të Lëvizjes Vetëvendosje (LVV), Mimoza Kusari-Lila, në lidhje me projektligjin për caktimin e çmimeve tavan për produktet bazë ka thënë se është i domosdoshëm, pasi siç thotë ajo “abuzimet me çmime kanë arritur në fazë të avancuar”.
Sipas Kusari-Lilës, çrregullimi i tregut duhet të rregullohet me masa konkrete.
“Ky projektligj do të rregullojë situatën kur ka mospërshtatje të çmimeve të produkteve vendore me ato botërore, kur ka ngritje të menjëhershme të çmimeve”, ka thënë ajo.
Ajo, ndër të tjera, ka thënë se në këtë situatë kur inflacioni po shënon rritje, të gjitha vendet e rajonit dhe më gjerë janë duke ndërmarrë veprime.
“Me anë të këtij projektligji bëhet ruajtja e mirëqenies së qytetarëve dhe mbrojtja e konsumatorëve”, ka vijuar ajo.
Ajo ka ftuar të gjithë deputetët të mbështesin këtë projektligj.