Idro Seferi, gazetar korrespodent në Beograd në emisionin “Magazina” në Radio Dukagjini me Blerina Neziri dhe Lirik Sylmetaj, ka diskutuar për takimin mes emisarit amerikan, Gabriel Escobar dhe presidentit serb, Aleksander Vuçiq.
“Sipas njoftimit të presidencës serbe, Vuçiq ka thënë se në takimin me Escobar janë diskuar të gjitha temat e hapura duke respektuar të drejtën ndërkombëtare”, tha Seferi.
Gazatari korrespodent ka thënë se muaj më parë presidenti Vuçiq ka ofruar mundësinë që përkohësisht të jetë një dakordësim që serbët mund t’i regjistrojnë veturat në targat KS. Sipas Seferit, për Vuçiq do të ishte më e lehtë ta sheh si kompromis këtë situatë.
“E kam vërejtur gjatë gjithë këtyre ditëve që ka një angazhim më të madh në media për dialogun Kosovë-Serbi”, theksoi Seferi.
Gazetari Seferi tha se ideja e Serbisë në gjithë këto vite është të nxjerrë diçka nga kjo situatë.