Gjatë natës së 22 dhe 23 tetorit, Forcat Ajrore të Forcave të Armatosura të Ukrainës kanë rrëzuar 16 dronë kamikazë Shahed-136.
“Natën e 22-23 tetorit armiku tashmë ‘tradicionalisht’ sulmoi jugun e vendit me dronë luftarakë kamikaze. Njëmbëdhjetë dronë armiq u shkatërruan nga forcat e mbrojtjes ajrore dhe mjetet e Komandës Ajrore ‘Jug’ të Forcave Ajrore, në rajonin e Mykolaiv-it dhe tre drone të tjerë Shahed-136 u rrëzuan nga njësi të tjera të Forcave të Mbrojtjes të jugut”, ka njoftuar Komanda e Forcave Ajrore të Forcave të Armatosura të Ukrainës .
Ndërkaq, sipas tyre, dy dronë të cilët arritën të depërtojnë nga drejtimi jugor, u shkatërruan nga armët kundërajrore të Komandave Ajrore “Lindje” dhe “Qendra” në lindje dhe veri të Ukrainës.
Lufta në Ukrainë: Irani vendos ekspertë ushtarakë të dronëve në Krime
Ministri i Mbrojtjes i Ukrainës, Oleksii Reznikov, deklaroi se njësitet e mbrojtjes ajrore ukrainase tashmë kanë rrëzuar rreth 60% të objektivave ajrore të armikut dhe rezultatet priten të përmirësohen në të ardhmen e afërt.
Kurse sa i përket frunizimet me dronë nga shteti i i Iranit, anëtarët e Bashkimit Evropian kanë rënë dakord për sanksione të reja që synojnë zyrtarët në Teheran, për dronët e prodhuar nga Irani të furnizuara në Rusi dhe të përdorura në sulmet ndaj Ukrainës.
BE me një paketë sanksionesh për Iranin, shkak furnizimi i Rusisë me dronë