Kryeministri i Kosovës, Albin Kurti, në mbledhjën e 49-të të Këshillit të Përgjithshëm të Lëvizjes Vetëvendosje, ka folur për luftën e Ushtrisë Çlirimtare të Kosovës (UÇK).
Kurti tha se lufta e UÇK-së ishte luftë e drejtë, dhe se do të dalë e pastër nga gjyqet e imponuara padrejtësisht nga politkanët që u mungonte larpamësia.
“UÇK-ja ishte dhe është e drejtë, andaj do të dalë e pastër edhe nga gjyqet e imponuara padrejtësisht nga politikanë që u mungonte largpamësia”, ka thënë Kurti.
Kurti foli edhe për njërin nga komandatët e UÇK-së dhe njëherit, deputet i LVV-së, Rexhep Selimin, i cili po gjykohet nga Specialja, duke i uruar lirim nga akuzat e pabaza Selimit dhe të tjerëve që po gjykohen nga Specialja.
“…Rexhep Selimi, aktivisti ynë, deputeti në Kuvendin e Repulikës, gjenerali i UÇK-së, që e kishim anëtar kryesie, e kishim edhe kryetar të Grupit Parlamentar të Lëvizjes Vetëvendosje, për të cilin, kemi shumë krenari dhe mall, paçka se çmallemi kur kontaktojmë me të. Por jam i sigurt se shpejt do ta kemi sërish, teksa urojmë që të lirohet nga ato akuza të pabaza që i janë bërë atij dhe të tjerëve.