Është i arrestuar i dyshuari, mashkull kosovar, nën dyshimin se ka shfrytëzuar seksualisht viktimën, femër kosovare, e mitur, në Viti.
Raporti 24-orësh i Policisë së Kosovës bën të ditur se, fillimisht, rasti ishte raportuar si person i zhdukur.
“Në lidhje me rastin, me 28.10.2022 është arrestuar i dyshuari, mashkull kosovar, nën dyshimin se ka shfrytëzuar seksualisht viktimën, femër kosovare e mitur. Rasti fillimisht ishte raportuar si person i zhdukur. Në lidhje me rastin është konsultuar prokurori i shtetit me vendim, të së cilit, i dyshuari është dërguar në mbajtje, ndërsa viktima është dërguar në IML për ekzaminim mjekësor”, thuhet në raport.
Policia e Kosovës bën të ditur se rasti vazhdon të hetohet.