Policia e Kosovës ka njoftuar se, të dielën e gjashtë nëntorit, ka pranuar një informacion për vënien e zjarrit ndaj një objekti (shtallë), pronar i të cilit, është viktima, mashkull kosovar, i komunitetit serb.
Policia njofton se viktima mashkull është me banim në Donje Kërnjen nga komuna e Leposaviqit.
“Njësiti policor ka dalë në vendin e ngjarjes dhe ka ndërmarrë veprimet e nevojshme policore, përderisa Policia e Kosovës mbetet e përkushtuar në realizimin e detyrave dhe përgjegjësive të saja ligjore, në hetimin dhe zbardhjen e këtij rasti dhe të rasteve të tjera të zjarrvënieve, të ndodhura dhe të orientuara ndaj pronave private”, thuhet në komunikatën për media.
Mes tjerash, njoftohet se Policia e Kosovës do të kujdeset në ofrimin e sigurisë ndaj qytetarëve pa dallime.