Shefi i kabinetit të Presidentes, Blerim Vela, në lidhje me protestën në veri të organizuar nga Lista Serbe, ka thënë se serbët lokalë të Kosovës nuk i bashkohen protestës së organizuar nga Serbia në Mitrovicën Veriore, për shkak se, siç thotë ai, ata duan paqe dhe prosperitet për familjet e tyre sikurse të gjithë njerëzit në Kosovë.
“Është e qartë se njerëzit atje, si kudo në Kosovë, duan paqe dhe prosperitet për familjet e tyre, dhe jo dhunë”, gjersa ka shtuar se ata nuk duan të jenë mish për top, për regjimin e Vuçiqit.
🚨 Local Kosovo Serbs don’t join en masse the staged protest organized by #Serbia in north Mitrovica.
It is clear that people there, like elsewhere in #Kosovo, want peace & prosperity for their families, and not violence.
They don’t want to be cannon fodder for Vučić’s regime. pic.twitter.com/TEdrKEFBWw
— Blerim Vela (@Blerim_Vela) November 6, 2022
Ndërsa të shtunën, Blerim Vela vendimin për bojkotimin e institucioneve të Kosovës nga serbët, e ka ngjasuar me situatën në Donbas të Ukrainës në vitin 2014.
“Ky akt i ngjan nxitjes së Rusisë në Donbas në vitin 2014”, ka shkruar ai në rrjetin social Twitter.
Po ashtu, ai ka thënë se Serbia është duke i detyruar serbët e Kosovës që ta braktisin punën e tyre në institucionet e Kosovës.
“Serbia është duke i detyruar dhe nxitur serbët e Kosovës që të braktisin punën e tyre në institucionet e Kosovës”, ka shkruar tutje ai.
Gjithashtu, sipas tij, ky vendim tregon se Lista Serbe gllabërohet nga çdo agjenci dhe trajtohet si mjet për ta destabilizuar Kosovën nga regjimi i presidentit të Serbisë, Aleksandër Vuçiq.