Në konferencën e përbashkët me ministren e Ekonomisë, Delina Ibrahimaj, kryeministri i Shqipërisë, Edi Rama u është rikthyer sërish akuzave të opozitës sa i takon investimit në Portin e Durrësit.
Në fjalën e tij Rama nënvizoi se ky është një projekt që do të zhvillojë qytetin e Durrësit dhe do të rrisë vlerën e pronave në atë zonë.
“Ndërkohë akuzat me serbë dhe me nuk e di se çfarë tjetër janë prodhime të një tërbimi të madh non-gratash dhe spiunësh për investimin më të madh të huaj në rajon. Për një investim që do të jetë krenari kombëtare, pasi do të transformojë njëherë e përgjithmonë dhe do të çojë në një nivel tjetër turizmin në Shqipëri, do të rrisë vlerat e pasurive të patundshme në gjithë zonën e Durrësit”, ka thënë Rama, raporton Euronews.al.
“Do të rrisë vlerën dhe çmimet e gjithë hotelerisë në zonën e Durrësit, do të rrisë eksponencialisht punësimin, jo vetëm për zonën e Durrësit, por edhe të Tiranës, s’do të krijojnë zinxhir ekonomik, vlerë për mijëra fermerë që prodhojnë ushqime që do të duhet të konsumohen në qytetin e Durrësit. Të ngresh akuza të tilla në hava është fatkeqësi e madhe kombëtare. Ne jemi në anën e dinjitetit dhe të krenarisë kombëtare pa lartësuar emrin e Shqipërisë kudo që flas. Berisha është një spiun komunist”, ka vijuar ai.
Rama i akuzoi mediat se janë duke e deformuar të vërtetën e Portit të Durrësit.