Policia e Kosovës ka njoftuar se të enjten e 24 nëntorit janë arrestuar dy persona në Komunën e Ferizajt, pasi të njëjtit në bashkëpunim dyshohet se kanë shfrytëzuar seksualisht viktimën femër kosovare.
Po ashtu, sipas raportit policor, thuhet se rasti kishte ndodhur vitin e kaluar (2021), në muajin mars.
Të dyshuarit meshkuj kosovarë, sipas policisë, pas intervistimit me vendim të prokurorit janë dërguar në mbajtje.
“Më datë 24.11.2022 janë arrestuar dy të dyshuarit meshkuj kosovarë nën dyshimin se të njëjtit në bashkëveprim, e kishin shfrytëzuar seksualisht viktimën femër kosovare. Të njëjtit janë intervistuar dhe me vendim të prokurorit janë dërguar në mbajtje”, thuhet në raporton 24-orësh të policisë.
Po ashtu, në raportin 24-orësh raportohet një rast dhunimi edhe në Gjilan.
Rasti kishte ndodhur në muajin tetor të këtij viti, ku për këtë rast është arrestuar i dyshuari të mërkurën e 24 nëntorit dhe i njëjti pas intervistimit me vendim të prokurorit, është dërguar në mbajtje.
“Viti Tetor-2022-NN. Në lidhje me rastin është raportuar se më datë 24.11.2022 është arrestuar i dyshuari mashkull kosovar dhe i njëjti pas intervistimit, me vendim të prokurorit, është dërguar në mbajtje”, thuhet në raportin e policisë.