Nëntë të dyshuar meshkuj kosovarë, përfshirë gjashtë të mitur, janë përfshirë në një rrahje në Gllogoc.
Raporti 24-orësh i Policisë së Kosovës ka bërë të ditur se tre prej tyre u është ofruar tretman mjekësor.
“Rr. Ilaz kodra, Gllogoc 24.11.2022 – 23:16. Raportohet se pas një mosmarrëveshje në një biliardo, janë përfshirë në rrahje nëntë të dyshuar meshkuj kosovarë, gjashtë të mitur. Si pasojë e përleshjes tre nga të dyshuarit kanë pësuar lëndime dhe u është ofruar tretman mjekësor”, thuhet në raport.
Krahas kësaj, me vendim të prokurorit të shtetit, tre nga të dyshuarit janë arrestuar dhe dërguar në mbajtje për 24 orë.
“Në lidhje me rastin është konsultuar prokurori i shtetit me vendim të të cilit tre nga të dyshuarit janë arrestuar dhe dërguar në mbajtje për 24 orë”, bën të ditur Policia e Kosovës.