Kryetari i Aleancës për Ardhmërinë e Kosovës (AAK), Ramush Haradinaj, e ka përkujtuar ish-presidentin e Kosovës, Ibrahim Rugova, me rastin e ditëlindjes së tij.
Po të ishte gjallë sot, ish-presidenti Rugova, do t’i mbushte 78 vjet.
“Presidentin Rugova e kujtojmë si një personalitet i një politike humane, paqësore, në interes dhe në mbrojtje të të drejtave të popullit të Kosovës”, ka shkruar Haradinaj në Facebook.
Ndër të tjera, Haradinaj ka thënë se është nder që ka punuar me Rugovën, në vitet e para të lirisë, në kohën kur kishte kishte probleme e tema me rëndësi të madhe nacionale.
“Urime ditëlindja President Rugova”, ka vijuar tutje, Haradinaj.