Drejtori i Bujqësisë, në Komunën e Prishtinës, Plator Gerdovci, ka njoftuar se këtë të martë është publikuar thirrja për realizimin e Thertores së Prishtinës.
Ky projekt sipas tij do të ndikoj në cilësinë e mishit dhe se qytetarët e Prishtinës do të jenë më të sigurtë në konsumimin e tij.
“Jam i lumtur që po i vie fundi shqetësimeve shumë-vjeçare të qytetarëve të Prishtinës rreth cilësisë së mishit dhe produkteve të tij. Gjithashtu po përfundon edhe koha e therjes së kafshëve në rrugë, pa kurrfarë standardi”, ka thënë ai.
Tutje Gerdoci, ka theksuar se Therrtorja Publike , “do t’i plotësoj të gjitha kushtet higjieno-sanitare për sigurimin e mishit dhe produkteve të mishit për qytetarët e Prishtinës”.
Në fund, Gerdoci, e ka falënderuar Shoqatën “Jetimët e Ballkanit”, për dhurimin e donacionit për këtë projekt.
Kjo nismë sikpas tij, do ta zgjidhë problemin e kamotshëm, që i ka brengosur qytetarët e Prishtinës.