Policia e Kosovës ka njoftuar se është duke e hetuar një vdekje, e cila ka ndodhur në komunën e Prizrenit.
Sipas Raportit të Policisë, personi tashmë i ndjerë, derisa ka qenë me shokë në një lokal, është rrëzuar dhe është dërguar në emergjencë pa shenja jete.
Trupi i pajetë i viktimës është dërguar në Institutin e Mjekësisë Ligjore për Obduksion.
“Është raportuar se viktima mashkull kosovar derisa ka qenë me disa shokë në një lokal, papritmas ishte rrëzuar. Viktima është dërguar në emergjence pa shenja jete. Vdekjen e viktimës e ka konstatuar mjeku. Me vendim të prokurorit, trupi i pajetë është dërguar në IML për Obduksion”, thuhet në raportin e policisë.