Kryetari i Preshevës, Shqiprim Arifi ka bërë të ditur se të martën e shtatë shkurtit do të dorëzojë Kallëzim Penal në Prokurorinë Speciale në Prishtinë për Këshillin Kombëtar Shqiptar (KBSh).
Sipas Arifit, ky kallëzim penal bëhet për siç ka thënë ai, keqpërdorimin e mjeteve të Qeverisë së Kosovës nga ana e Këshillit Kombëtar Shqiptar.
“Ju ftoj në press-konferencë para ndërtesës së Prokurorisë, ku do të merrni vesh më shumë rreth Kallëzimit Penal, që po dorëzojmë, në lidhje me zhvatjen e mjeteve të taksapaguesve kosovarë përmes konkursit të Këshillit Kombëtar Shqiptar në Luginën e Preshevës dhe implikimit të Qeverisë së Kosovës”, ka thënë Arifi në një komunikatë dërguar mediave.