Kryetari i Aleancës për Ardhmërinë e Kosovës (AAK), Ramush Haradinaj, ka thënë se Qeveria Kurti ka dështuar ta vendosë Kosovën në pozitë të favorshme në raport me Serbinë.
Ai ka shkruar në Facebook se Kosova e ka rrezikuar interesin e saj nacional, duke mos u koordinuar me aleatët ndërkombëtar, duke e veçuar ShBA-në.
“Ishte dakordim i përbashkët që zhvillimet politike në vend janë në momentet më vendimtare për shtetin tonë. Qeveria Kurti ka dështuar në ndërtimin e një strategjie, e cila do ta vendoste Kosovën në pozitë të favorshme në raport me Serbinë. Moskoordinimi me aleatët tanë, veçmas me Amerikën, ka rrezikuar interesin nacional dhe gjitha të arriturat e deritanishme të shtetit”, ka shkruar ai.
Tutje, ai ka thënë se AAK insiston në marrëveshjen përfundimtare për njohje të ndërsjellë me Serbinë.