Në Gjakovë një grua, shtetase e huaj ka raportuar në Policinë e Kosovës se është mashtruar nga një person përmes rrjeteve sociale.
Ajo ka raportuar se i dyshuari i është prezantuar si shitës i komplekseve banesore, duke i marrë viktimës një shumë të konsiderueshme të hollash.
Në raportin 24 orësh të policisë bëhet e ditur se rasti është cilësuar si “mashtrim”, ndërsa lidhur me rastin janë duke u ndërmarrë veprimet hetimore.
“Gjakovë 18.02.2023- 03:51. Ankuesja femër shqiptare me nënshtetësi të huaj, ka njoftuar se përmes rrjeteve sociale ishte mashtruar nga një person i panjohur. I dyshuari ishte prezantuar si shitës i komplekseve banesore duke i marrë viktimës një shumë të konsiderueshme të hollash. Lidhur me rastin janë duke u ndërmarrë veprime hetimore”.