Ismet Munishi më nuk është trajner i skuadrës së Prishtinës. Ai është shkarkuar të hënën nga bordi i Prishtinës.
Vendimi është marrë nga bordi një ditë pas humbjes së klubit Prishtina nga Malisheva në kampionat.
Pra, një vendim i tillë, sipas njoftimit nga klubi, ka ardhur për shkak të mosarritjes së rezultateve të dëshiruara në ndeshjet e fundit.
“Bordi i FC Prishtinës ka vendosur që ta ndërpresë bashkëpunimin me trajnerin Ismet Munishi. Një vendim i tillë ka ardhur për shkak të mosarritjes së rezultateve të dëshiruara në ndeshjet e fundit”, thuhet në njoftimin e klubit.
FC Prishtina e ka falënderuar përzemërsisht Munishin për punën e bërë në skuadër.
Ndërsa, skuadrën aktualisht do ta drejtojë trajneri Debatik Curri dhe ndihmësit e tjerë deri në një vendim të ri.