Partia Socialdemokrate (PSD) kësaj radhe ka realizuar një aksion simbolik ndaj zëvendëskryeministrit të Kosovës, Besnik Bislimi, në hyrje të objektit të Qeverisë.
Përmes një videoje në Facebook, kryetari i PSD-së, Dardan Molliqaj, ka publikuar pamje ku shihet se si aktivistë të PSD-së kanë hedhur në drejtim të tij një “Milkshake” dhe tortë ku shkruhej “për hajr Zajednica”, si shenjë revolte për marrëveshjen e dakorduar më 18 mars në Ohër.
Me këtë, PSD-ja ka paralajmëruar protestë të shtunën kundër themelimi të Asociacionit.
“Tortë e milkshake për ‘Zajednicën’. E gëzofshin këta që e pranuan! Kurse ne, qytetarët e Kosovës, do ta kundërshtojmë atë e të kërkojmë masivisht dorëheqjen e tyre.
Prandaj, protestojmë të shtunën më 25 mars në orën 14:00″, ka shkruar Molliqaj në Facebook.