Kuvendi i Kosovës në seancën e 23 marsit, me shumicë votash ka miratuar tri marrëveshjet ndërkombëtare.
1. Projektligji për ratifikimin e Marrëveshjes së financimit në mes të Republikës së Kosovës përfaqësuar nga Ministria e Financave, Punës dhe Transfereve, dhe Asociacionit Ndërkombëtar për Zhvillim për “Projektin e reformës së sistemit të ndihmës sociale në Kosovë”,
2. Projektligji për ratifikimin e Marrëveshjes së kredisë për Projektin -korniza e qyteteve të gjelbërta 2 dritarja 2 – efiçienca e energjisë në ndërtesa publike në Prishtinë, ndërmjet Republikës së Kosovës dhe Bankës Evropiane për Rindërtim dhe Zhvillim,
3. Projektligji për ratifikimin e Marrëveshjes së kredisë për Projektin -efiçienca e energjisë në ndërtesa publike në Prizren, ndërmjet Republikës së Kosovës dhe Bankës Evropiane për Rindërtim dhe Zhvillim.
92 deputetë ishin të pranishëm për votimin e marrëveshjeve ndërkombëtare.
Në rendin e ditës të seancës së sotme të Kuvendit është edhe raportimi i kryeministrit Albin Kurti para deputetëve të Kuvendit për takimin e Ohrit në lidhje me dialogun Kosovë-Serbi.