Kryetari i Lidhjes Demokratike të Kosovës (LDK), Lumir Abdixhiku, ka thënë se Qeveria e Republikës së Kosovës nuk gjen kohën, e njëherit nuk ka brengën e të caktuarit një bord drejtues të kursimeve pensionale.
Me anë të një postimi në Facebook, Abdixhiku ka thënë se nga janari i këtij viti e deri tani, zhvlerësimi i fondeve ka arritur në 36 milionë euro.
“Përderisa kursimet pensionale, të fituara me shumë mund, humbasin vlerë nga gjysmë milion euro në ditë, popullistët vazhdojnë rehatinë. Plot 36 milionë euro është zhvlerësimi i fondeve nga janari deri më sot. Qeveria nuk gjen as brengën e as kohën të caktojë një Bord”, ka shkruar ai.