Ambasadori i Bashkimit Evropian në Kosovë, Tomas Szunyog të hënën ka pritur në takim përfaqësues të komuniteve pakicë për të diskutuar rolin dhe mbështetjen e tyre në implementimin e marrëveshjes për normalizimin e raporteve mes Kosovës dhe Serbisë.
Szunyog përmes një postimi në Facebook ka thënë se përfaqësuesit e komuniteteve pakicë janë pjesë e rëndësishme e strukturës politike në Kosovë dhe luajnë “rol vendimtar përfaqësues në demokracinë e Kosovës”.
“Përfaqësuesit e komuniteteve pakicë janë pjesë e rëndësishme e strukturës politike të Kosovës dhe luajnë një rol vendimtar përfaqësues në demokracinë e Kosovës. Kontributi i tyre në arritjen e progresit në rrugën e integrimit të Kosovës në BE është i domosdoshëm”, ka thënë Szunyog.