Kryeministri i Shqipërisë, Edi Rama, e ka prezantuar ish-shefen e Shërbimit Inteligjent të Kosovës, Vlora Hysenin, e cila pas shkarkimit nga presidentja e Kosovës Vjosa Osmani, është emëruar shefe e Shërbimit Informativ të Shtetit Shqiptar nga Rama, e që me pas u dekretua nga presidenti Bajram Begaj.
“Tiranë – Sapo mbaruam prezantimin në institucion të drejtores së re të Shërbimit Informativ të Shtetit, Vlora Hyseni, e cila u dekretua dje nga Presidenti i Republikës Shqipërisë”, ka shkruar Rama duke e uruar “Urime”.
Ndërsa Vlora Hyseni karrierën e saj në AKI e kishte nisur pas emërimit më 28 shkurt 2019, nga ish-presidenti Hashim Thaçi, si zëvendësdrejtoreshë e AKI-së.
Por pas ardhjes në pushtet të Lëvizjes Vetëvendosje edhe në AKI filluan shkarkimet, kur ishte shkarkuar Kreshnik Gashi, ish-shefi i AKI-së, Hyseni e mori detyrën e drejtorit të AKI-së për katër muaj, që më pas u shkarkua edhe kjo nga presidentja e Kosovës.