Ministrja e Jashtme e Shqipërisë, Olta Xhaçka ka thënë se sulmet kundër forcave të KFOR-it dhe shtypit janë të papranueshme dhe duhet të ndalen menjëherë.
“Shprehim mbështetjen tonë të plotë për KFOR-in dhe urojmë shërim të shpejtë për ushtarët e lënduar. Çtensionimi i situatës së krijuar është kyç në këtë moment”, ka shkruar Xhaçka.
Ministrja Xhaçka tutje ka thënë se dialogu i ndërmjetësuar nga BE-ja është “rruga drejt normalizimit të marrëdhënieve ndërmjet Kosovës dhe Serbisë dhe njohjes reciproke që do të sigurojë stabilitet të qëndrueshëm në rajonin tonë”.