Gazetari nga Shqipëria, Mero Baze, ka shkruar se tre këshilltarët e kryeministrit të Kosovës, Albin Kurti, që vijnë nga Tirana, paguhen për ta futur në luftë Kosovën me perëndimin.
Baze ka thënë gjithashtu se Kurti ka ankesa në homologun e tij në Tiranë.
“Albin Kurti ka tre këshilltarë nga Tirana që i paguan në Prishtinë, për të futur në luftë Kosovën me Perëndimin dhe ankohet nga kryeministri i Shqipërisë që do ta mbajë Kosovën në aleancë me Perëndimin. Kaq e thjeshtë është.” ka shkruar ai në llogarinë e tij në Facebook.
Kjo nuk është kritika e vetme e gazetarit për kryeministrin kosovar, në një artikull të tij, ai ka shkruar se Albin Kurti është një delirant i rrezikshëm, i cili nuk do që të bëhet pjesë e historisë së Kosovës që është krijuar, por do që Kosova të jetë pjesë e historisë së tij si politikan.
