Nënkryetari i Partisë Demokratike të Kosovës, Enver Hoxhaj, ka thënë se politika e gabuar e kryeministrit të Kosovës, Albin Kurti, e ka përmbysur partneritetin me SHBA-të, BE-në Gjermaninë, Francën dhe Britaninë.
Kjo sipas tij duke e zëvendësuar mbështetjen për Kosovën nga Shtëpia e Bardhë, me përkrahjen e Kryetarit të një komune evropiane.
Kështu është shprehur Hoxhaj në një postim në llogarinë e tij në Facebook.
“Politika e gabuar e brendshme dhe politika e dëmshme e jashtme e qeverisë së Albin Kurtit përmbysi partneritetin strategjik me SHBA-në, BE-në, Gjermaninë, Francën dhe Britaninë, duke e zëvendësuar mbështetjen për Kosovën nga Shtëpia e Bardhë, me përkrahjen e Kryetarit të një komune evropiane”, shkroi Hoxhaj.
Sipas tij, kjo “është paradiplomaci, por jo politikë e jashtme e një shteti sovran dhe të pavarur”.