“Dëm i madh që Kosova nuk është pjesë e Programit të Evropës Digjitale të BE-së”.
Deputeti i LDK-së, Avdullah Hoti, këtë reagim e bëri, pasi më herët kryeministri i Shqipërisë, Edi Rama, bëri të ditur se Shqipëria do të jetë pjesë e Programit të Evropës Digjitale.
Gjithashtu, pjesë e këtij programi do të jenë edhe Serbia, Maqedonia e Veriut dhe Mali i Zi. Por, mesa duket sipas njoftimit të Ramës, Kosova nuk do të jetë prej e këtij programi financues të BE-së prej gati 7,5 miliard Euro.
“Nga sot Shqipëria do të jetë pjesë e Programit të Evropës Digjitale. Sot me firmosjen e marrëveshjes në Bruksel, Shqipëria, Serbia, Maqedonia e Veriut dhe Mali i Zi do të jenë pjesë e Evropës Digjitale ku qytetarët, bizneset, institucionet publike do të kenë mundësi të aplikojnë në programin e ri financues të BE-së prej gati 7,5 miliard Euro”, ka shkruar Rama.