Kryeministri i Kosovës, Albin Kurti, ka pritur të enjten në një takim ambasadorin e Mbretërisë së Bashkuar, Nicholas Abbott.
Siç ka njoftuar Zyra e kryeministrit, gjatë takimit me ambasadorin Abbott diskutuan rreth zhvillimeve aktuale në vend.
Por, diskutimet e takimit mes Kurtit dhe Abbottit, siç thuhet në njoftimin e Qeverisë, kryesisht janë përqendruar në marrëdhëniet bilaterale mes Kosovës dhe Mbretërisë së Bashkuar.
Po ashtu, temë diskutimi ishte edhe vizita zyrtare e kryeministrit Kurti në Londër dhe takimi i tij me sekretarin Cleverly.
“Marrëdhëniet bilaterale, vizita në Londër dhe takimi mes kryeministrit Kurti dhe sekretarit Cleverly, si dhe zhvillimet në vend ishin pjesë e diskutimit në këtë takim”, thuhet në njoftimin e Zyrës së Kryeministrit.
Ky takim vjen pas takimit që Kurti pati me sekretarin për Punë të Jashtme të Mbretërisë së Bashkuar, James Cleverly, më 26 qershor në Londër.