Tre persona kanë mbetur të lënduar si pasojë e një aksidenti në mes të dy veturave në Ulpianë të Prishtinës, të shtunën.
Lajmin për Dukagjinin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
“Rreth orës 10:00, në lagjen Ulpiana në Prishtinë, ka ndodhur një aksident trafiku me lëndime. Në këtë aksident kanë qenë të përfshira dy automjete. Si pasojë e aksidentit lëndime trupore kanë pësuar tre persona”, ka deklaruar Ahmeti.
Lidhur me rastin po merret njësiti i trafikut.