Policia e Kosovës ka ndaluar një shtetas serb, i cili me veturë kishte hyrë në Kosovë në mënyrë ilegale.
Në raportin 24-orësh, thuhet se i dyshuari pas intervistimit është liruar në procedurë të rregullt.
Rasti ka ndodhur në Bistricë të Leposaviqit teksa është inicuar si “Kalim i paautorizuar i kufirit”.
“Njësiti policor ka ndaluar veturën me targa të Serbisë të cilën kishte qenë duke e drejtuar i dyshuari mashkull shtetas i Serbisë i cili përmes rrugëve alternative jashtë vendkalimeve kufitare nga territori i Serbisë ka hyrë në territorin e Kosovës. I dyshuari pas intervistimit në konsultim me prokurorin është liruar në procedurë të rregullt”, thuhet në raport.