Zëvendësministri i Arsimit, Taulant Kelmendi, ka dhënë shifra në lidhje me subvencionimin me tekste shkollore.
Ai, përmes një postimi në faqen e tij zyrtare në Facebook, ka thënë se deri ditën e hënë në ora 09:00, në platformën e-Kosova janë pranuar 51.200 aplikime.
“Në platformën e-Kosova për subvencionimin e teksteve dhe materialeve shkollore deri sot në ora 09:00 janë pranuar 51,200 aplikime”, ka shkruar Kelmendi.
Ditëve të fundit, Ministria e Arsimit, Shkencës dhe Teknologjisë (MASHT) ka marrë vendim që t’i subvencionojë prindërit për furnizim me tekste shkollore, ku vetëm në ditën e parë ministrja Arbërie Nagavci ka thënë se 11.800 prindër kanë aplikuar.