Ka përfunduar pjesa e parë në mes Rumanisë dhe Kosovës, ku “Dardanët” mbeten me një lojtar më pak në fushë pas përjashtimit të Vedat Muriqit, i cili u ndëshkua me dy kartonë të verdhë. Ndeshja u ndërpre në minutën e 20-të pas thirrjeve shoviniste të tifozëve rumunë, e më pas vazhdoi ku ishte pikërisht Muriqi, ai që pati një rast të mirë shënimi, por nuk arriti që topi ta kalojë vijën e portës. Rezultati po vazhdon të jetë ende 0-0.
Vedat Muriqi është përjashtuar nga loja për shkak të kartonit të dytë të verdhë në minutën e 42-të të ndeshjes.
Zhegrova kishte një rast shumë të mirë shënimi, por që nuk arriti ta konkretizojë gjuajtjen e tij.
Kanë kaluar gjysmë orë lojë në ndeshjen mes Rumanisë e Kosovës, ku pak çaste më herët ishte Vedat Muriqi i cili u gjend i vetëm përballë portierit, por topin nga vija e portës e largoi njëri nga mbrojtësit rumun.
Rezultati akoma po vazhdon të jetë i pandryshuar, teksa dominimin po e kanë rumunët.
Ka rinisur ndeshja në mes Rumanisë e Kosovës, ku “Dardanët” u kthyen në fushë pas thirrjeve shoviniste të tifozëve rumunë, të cilët shfaqen banerin “Kosova është Serbi”.
Rezultati vazhdon të jetë ende 0-0.
Futbollistët e Kosovës janë kthyer në fushë, ku tash po i bëjnë ngrohjet pas ndërprerjes së ndeshjes për disa minuta si pasojë e thirrjeve nacionaliste të tifozëve rumunë ku thanë “Kosova është Serbi”