Kryeministri i Kosovës, Albin Kurti ka thënë se në Bruksel, presidenti i Serbisë, Aleksandër Vuçiq, kishte thënë se Milan Radojçiq, do të bëhet Adem Jashari i serbëve.
Sipas tij, Vuçiq dëshironte që me “24 shtator ta shndërronte Manastirin Ortodoks të Banjskës në “Kullë të Jasharajve” për serbët e Kosovës!”,
Por sipas Kurtit, Vuçiqi duke qenë diktator “s’e kupton historinë: epopeja dhe çlirimi nuk fabrikohen dhe as s’kopjohen”.
“Vuçiq është i obsesionuar me kryekomandantin e UÇK-së, Adem Jasharin. Ai dëshironte që me 24 shtator ta shndërronte Manastirin Ortodoks të Banjskës në “Kullë të Jasharajve” për serbët e Kosovës! Në takimin e 2 majit në Bruksel na tha që Millan Radojçiq do të bëhet Adem Jashari i serbëve. Por, duke qenë diktator, ai s’e kupton historinë: epopeja dhe çlirimi nuk fabrikohen dhe as s’kopjohen”, tha ai.
Kurti theksoi se serbët në Kosovë duhet të çlirohen nga veglat terroriste në Kosovë.
“Kosova është shtet demokratik dhe vend properëndimor: kush integrohet, jeton më mirë. Serbët në Kosovë nuk kanë nevojë për çlirim nga Republika e Kosovës por nga veglat terroriste të Serbisë”, tha ai.