Të martën e 24 tetorit, në hyrje të fshatit Dobërçan gjatë kontrollit të një automjeti me targa vendore është gjetur dhe sekuestruar një sasi e konsiderueshme e duhanit të përpunuar.
Përmes një komunikate për media, Policia ka njoftuar se paketimet me duhan ishin të klasifikuara sipas emërtimeve të markës së duhanit:
“Marlboro” e kuqe (karton i cigareve) 6 thasë nga 30 paketime x 0.5 kg, gjithsej 90 kg;
”Marlboro” e bardhë (karton i cigareve) 8 thasë nga 30 paketime x 0.5 kg gjithsej 120 kg;
”Luckies Strike” (karton i cigareve) 9 thasë nga 30 paketime x 0.5 kg gjithsej 135 kg’
”Winston” (karton i cigareve) 9 thasë nga 30 paketim x 0.5 kg gjithsej 135 kg.
Policia ka njoftuar se totali i përgjithshëm është 32 thasë najloni me nga 30 paketime, gjithsej 960 paketime, në total 480 kg duhan i përpunuar.
“Lidhur me rastin e lartcekur është njoftuar prokurori kujdestar, e cili ka urdhëruar që të iniciohet rast ‘kontrabandim me mallra’ ndërsa malli i konfiskuar është dërguar në doganë për procedura të mëtutjeshme”, thuhet në komunikatën për media.
Policia e Kosovës mbetet e përkushtuar në luftimin e të gjitha dukurive negative dhe sjelljen para drejtësisë të të gjithë personave përgjegjës pavarësisht funksionit që ata kryejnë.