Ard Gashi dhe Mirdon Pacolli, dy banorë tashmë të njohur të Big Brother VIP Kosova, kanë publikuar këngën e tyre të re, të titulluar ‘Pa ty’.
Kjo këngë është një bashkëpunim i jashtëzakonshëm mes dy personazheve të dashur nga publiku, të cilët tani do të shpërthejnë edhe në skenën muzikore.
Projekti është prodhuar nga Blerim Haziri, një emër i njohur në industrinë muzikore, dhe është realizuar nga Time Pictures.
Teksti i këngës është krijuar nga vetë Ardi, në bashkëpunim me Uki-n që kanë sjellë një këngë tërheqëse për dëgjuesit.
Edhe pse janë ende pjesë e aventurës së tyre në Big Brother VIP Kosova, ky duet i papritur ka bërë që kënga e tyre të dëgjohet me shumë entuziazëm nga publiku jashtë shtëpisë së “Big Brother”.
‘Pa ty’ është një hap i ri për Ard Gashin dhe Mirdon Pacollin, dhe duke pasur parasysh suksesin e tyre në rrjetet sociale dhe në emisionin televiziv, nuk ka dyshim se kjo këngë do të ketë një pritje të ngrohtë nga publiku.