Një vetaksident ka ndodhur rreth orës 09:20, në rrugën Mitrovicë – Prishtinë, ku një person ka mbetur i lënduar.
Këtë e ka konfirmuar për Portalin Dukagjini, zëdhënësja e Policisë së Kosovës për rajonin e Prishtinës, Flora Ahmeti.
Ajo ka thënë se si pasojë e aksidentit, shoferi ka pësuar lëndime trupore dhe i njëjti është dërguar për trajtimin e nevojshëm mjekësor.
“Policia ka nisur një hetim për zbardhjen e shkaqeve të këtij vetaksidenti”, ka thënë tutje Ahmeti.
Në pamjet që ka siguruar Portali Dukagjini, shihet se vetura ka dalë nga rruga dhe është rrokullisur.
Ekipet e zjarrfikësve kanë dalë në vendin e ngjarjes.
