Pas një fjalosjeje në komunikacion, një person ka dalë nga vetura dhe e ka goditur me thikë një këmbësor.
Lajmin e ka konfirmuar për Dukagjinin zëdhënësi i Policisë Rajonale në Prizren, Shaqir Bytyqi, i cili tha se i dyshuari akoma nuk është kapur.
“Sot rreth orës 09:00 në rrugën Anakaraja, në Prizren, pas një fjalosje në komunikacion, një person, pasagjer në një veturë del nga automjeti dhe godet me thikë këmbësorin i cili ishte duke kaluar rrugën”, ka thënë Bytyqi.
Ai ka thënë se viktima është jashtë rrezikut për jetë.
“Viktima A.M. 27-vjeçar është jashtë rrezikut për jetë. Policia është duke u marrë me rastin dhe është duke punuar në identifikimin dhe arrestimin e kryesit të veprës”.