Kryetari i zyrës së Këshillit Kombëtar shqiptar në Sanxhak, Nevzad Lutfiu, ka njoftuar se partitë serbe në komunën e Bujanocit janë afër arritjes së marrëveshjes që në zgjedhjet lokale të dalin me një listë të përbashkët.
Me anë të një postimi në Facebook, Lutfiu ka theksuar se të mërkurën e 14 shkurtit do t’i ftojë kryetarët e të gjitha subjekteve politike shqiptare për një takim.
“Partitë serbe të komunës së Bujanocit janë afër arritjes së marrëveshjes që në zgjedhjet lokale që do të mbahen këtë vit të dalin me një listë të përbashkët. Për të diskutuar rreth mundësisë së krijimit të një liste ose marrëveshjes në parim për shumicë shqiptare, nesër përmes një shkrese do t’i ftoj kryetarët e gjitha subjekteve politike shqiptare për një takim”, shkroi ai.