Si çdo qershor tjetër, edhe këtë 1 qershor Petrol Company u përkujdes që t’ua bëj fëmijëve më të ëmbël festen e tyre.
E këtë radhë ata së bashku me këngëtarin “The Victor” si dhe aktorët e humorit “Fara e Flliqt” kishin vendosur që t’i vizitonin fëmijët e hospitalizuar në spitalin e Pediatrisë, në repartin e Hemato-onkologjisë.
Për dhomën e lojrave të këtij reparti, Petrol Company dërgoi lodra nga më të ndryshmet, për t’ua bërë më të lehtë qëndrimin fëmijëve aty.
E 32 fëmijëve të shtruar në këtë spital, Petrol Company së bashku me këngëtarin “The Victor” si dhe aktorët e serialit humoristi “Fara e Flliqt” përpos që i gëzuan me praninë e tyre, u dhuruan edhe pako ushqimore.
Ndërkohë për këtë donacion dhe për lumturinë që u dhuruan fëmijëve në ditën e tyre, falënderues u shprehën prindërit e tyre por edhe stafi mjekësor i repartit të Hematoonkologjisë.
E nga Petrol Company thanë se kjo nuk është hera e parë që kjo kompani dhuron donacione për këtë repart, por nuk do të jetë as e fundit, duke e shndërruar tashmë në tradita daljen në ndihmë të këtyre fëmijëve.