Presidentja e Kosovës, Vjosa Osmani me rastin e 8 Marsit, Ditës Ndërkombëtare të Gruas, ka kujtuar gjitha ato gra e vajza që nuk janë më e të cilat u shndërruan në simbol rezistence, lufte dhe angazhimi për liri e barazi.
Përmes një postimi në Facebook, e para e vendit ka thënë se kjo ditë shënon arritjet e grave dhe vajzave dhe përpjekjet e jashtëzakonshme të tyre në Kosovë dhe kudo në botë për të drejta të barabarta.
“Sot kujtojmë dhe të gjitha ato gra e vajza që nuk janë më në mesin tonë, e të cilat u shndërruan në simbol rezistence, lufte dhe angazhimi për liri e barazi. Forca, qëndrueshmëria dhe zelli juaj i pashoq për emancipim të vazhdueshëm, zhvillim e barazi qëndron fort në themelet e Republikës sonë. Sot, nesër dhe çdo ditë, me ju dhe për ju”, ka shkruar Osmani.